كلمات العامية الدارجة السودانية

اقترح اخى مصطفى المحسى ان نعمل بوست للكلام بالعامية السودانية وانا لست خبيرا بها ولكن نفتسح المجال هنا للاجتهاد من كل اهل المنتدى للدلو بدلوهم لاحياء كلام اهلنا الطيب الجميل وبإذن اللة نبداء ياجماعة الكلمة ومعناها توكلنا

عوك : تعنى هوى يعنى يا إنت وتستعمل للغافل او البعيد او الماسامع
هناى : تعنى فلان او الشخص
بت :تعنى بنت
الزول :الشخص او الزلمى بلغة اهل الشام
المركوب :الجزمة البلدية
الجرجار :العباية النسائية
الزمام :حلق يعلق بالانف
الحجل :غويشة تلبس بالرجل
الطايوق :النخاع
القرقريبة :قطعة سعف النخل تعاس بها الكسرة
المرحاكة: طاحونة الدقيق الحجرية اليدوية
الفندق :اناء خشبى ومدقاق يدق علية البهار وغيرة
الويكة :بامية مجففة ومسحونة
لافين البلد :يعنى ماشين البلد
الراكوبة: برندة زمان او بلكونة زمان والعندو تصحيح ولا زيادة ينفعنا بيها
[ندعوك للتسجيل في المنتدى أو التعريف بنفسك لمعاينة هذه الصورة]

كل الشكر اخي وكلنا نجيب كلماتنا ونجيكم صاديين ...

أرجو أن يسهم الأخوة الكرام في إثراء قاموسك الشعبي هذا... وأنا منهم ..
فائدته مؤكدة.

معليش سؤالي قبل ان ادلو بدولي في البوست..........
هل الالفاظ(الشبابيه) الجديده داخله ضمن مفردات البوست؟.

مصطفى الفكرة الليلتك انت يعنى كل الرقى حقك اخوى تسلم وراجينك ياحبيبنا[ندعوك للتسجيل في المنتدى أو التعريف بنفسك لمعاينة هذه الصورة]

بنت النور كتب:معليش سؤالي قبل ان ادلو بدولي في البوست..........
هل الالفاظ(الشبابيه) الجديده داخله ضمن مفردات البوست؟.

بت النور سلام اعتقد انة كلام العامية الحديث وجيد ان نعرفة بما ان احنا من زمان يبقى ادونا عامية دى الايام تسلمى وادينا راجينك وادى قعدة فى ضل الضحوية وبتعرفى التبروقة بت النور تعنى المصلاية الكانت من جلد الخروف يلا ادينا من حق الايام دى[ندعوك للتسجيل في المنتدى أو التعريف بنفسك لمعاينة هذه الصورة]

استاذي العزيز ساكتب كلمات للامانه ليست من مجهودي الشخصي ولكن لان الموضوع مطروح لدينا في منتدى اخر...


جكس:
حبيبه او حبيب وهي اصلا من الكلمة الانجليزيه Chick

شمشار:
فضولي
ويقال هذا شمار اي انه شيء يمكن التشمشر عليه

هسع:
الآن وهي اختصار لـ هذه الساعه

باير أو بايركس:
يعني عازب او عانس دعاش:
رائحة المطر


تفتيحة : فاهم

شديدة: حاجة تمام

الرمتالي : هو الشاب غير الطموح وما عندو شغلة وقاعد في الحلة في الشارع

البلف : الكمساري

بلف طائر = كمسارى عاطل
حمام طار = التخطي بسرعة مع تشغيل الاشارتين
المبرقعين = الطلبة
شتات خالى محطات = التحرك بسرعة من غير وقوف الا فى المحطات الرئسية

الجو جو غنماية رايحة = لمن تكون المطرة بالنهار ووقفت والجو مننعش

مبدئيا..

كباية : انسان يتوتر بتعمله مع الجنس اللطيف



قلب : انسان عزيز



قائد الاسطول : مسطول



دبايب وضفادع : الشخص الذي يفرض نفسه ويتواجد في كل مكان


هكر ، شجر : زول قديييييييييم

عارف يا ابو احمد مرقنبو قرنبو دي كانت عامله لي هوس لي فتره كدا عملوها لي زي الحجيه والله ضحكت ضحك لما قالوا لي معناها

صباحي عبدالملك كتب:موضوع في غاية الاهمية لم التحية اخي ابراهيم

العامية في السودان كل يوم في تجدد والمصطلحات كثرت

صدق مشيت اجازة السودان بسمع في الكلام في بعض الاحيان مابفهم حاجة

صدقت اخى الصباحى واللة حسا باحفظ فى كلام جديد جابتة بت النور عشان ما ادّقس فى الايام الجاية لك تقديرى شكرا

*مثل = العرجاء لى مراحها = يعنى كل زول يسيب اهلة وناسة لازم يوم يجى يحتاج ليهم .
*لبس البوصة تبقى عروسة =ويعنى اللبس يخلى الشينة حلوة والبوص هنا (عود القصب او العصا)
*بكرة بيجى الخريف واللوارى بتقيف= يقولها اصحاب البقالات فى القرى عند عزف الناس عن الشراء لكثرة البضائع
[ندعوك للتسجيل في المنتدى أو التعريف بنفسك لمعاينة هذه الصورة][img]http:[ندعوك للتسجيل في المنتدى أو التعريف بنفسك لمعاينة هذه الصورة]