الصينيين يحبون لحم الكلاب.

نحن في السودان .. نهوى أوطانا .. وإن رحلنا بعيد نطرا خلانا ...

نحن في السودان نحب أكل اللحم .. خاصة لحم الضان .. خاصة شية الجمر والعجب في عيد الضحية .. من ملازماته الشرررررررررربوت .. .
ونحن في السودان عندما تكون هناك مشروعات بناء كباري .. تحدث ظاهرة إختفاء أعداد كبيرة من الكلاب الضالة.. والسبب ..إنهم الصينيين يلتقطونها أو يشترونها من أصحاب ويستمتعون بأكل لحمها ..
أورد الصحفي مبارك حتة رواية متداولة عن أحدالصينيين .. ذهب إلي سوق الخرفان بالسجانة وكان يشير إلي بائع الخراف بأصبعه وكل مرة يأتيه البائع بخروف (مدوعل) ويرفضه الصيني واللغة مفقودة بينهما .. وفي الآخر إكتشف راعي الخرفان أن الصيني كان يحدثه عن كلبه .. وتم الإتفاق وبيع الكلب ب 300ألف جنيه.

مرحباً بالزول الفاهم أبو عادل
كل سنه وانت طيب
موضوع مدهش ياأبوعادل..
الناس ديل غايتو الانا عارفو بياكلو اى حاجه وفى بلدهم الكلاب عدمن ياخى
عاملين ازمه عديل كده لاعتقادهم بأن لحم الكلاب مقوى جنسى متميز...
زى بعض الناس العندنا بيشوو اعضاء معينه من لحم التيران وكده...

تجريمه....
ما أغلى لحوم الكلاب فى وطنى وما أرخص البشر ...

والله حكاية الكلاب الصينين ديل حكاية وكمان قال ليك فى بورسودان كملوا الغربان بورسودان غربانها كتار بس ازالوا الشؤم نحن نتشائم من الغربان لكن الكلاب دى للراعى تحرس البهائم والناس كملوها عديل

ملهم كردفان كتب:مرحباً بالزول الفاهم أبو عادل
كل سنه وانت طيب
موضوع مدهش ياأبوعادل..
الناس ديل غايتو الانا عارفو بياكلو اى حاجه وفى بلدهم الكلاب عدمن ياخى
عاملين ازمه عديل كده لاعتقادهم بأن لحم الكلاب مقوى جنسى متميز...
زى بعض الناس العندنا بيشوو اعضاء معينه من لحم التيران وكده...

تجريمه....
ما أغلى لحوم الكلاب فى وطنى وما أرخص البشر ...

كل سنة وإنت طيب ملهم كردفان الرجل الحبيب إلي القلب ..
أنا غايتو أحب لحم الضأن والعجالي ممكن .. بالإضافة إلي الدجاج .. والحمام إلي جانب السمك خاصة العجل والبياض والبلطي ..
وأكره ما أكره أكل لحم الناس وهم أحياء أو أموات :winky:
علي الرغم من المحازير .. والخوف والوجل الحايمين في نفوسنا يازول ضبحنا وشوينا اللحم .. وأخوك تخصص في الشية .. صدقني تاني المرة مافي ليها طريقة تشوي وأنا موجود ..
مصبن كم كوم كدة علشان الناس الحلوين .. يلا إتفضلوا معانا :king: :heart: :heart: :heart:

ابراهيم حسين كتب:والله حكاية الكلاب الصينين ديل حكاية وكمان قال ليك فى بورسودان كملوا الغربان بورسودان غربانها كتار بس ازالوا الشؤم نحن نتشائم من الغربان لكن الكلاب دى للراعى تحرس البهائم والناس كملوها عديل

أخي إبراهيم حسين
أهلاً بك في " أخبار ساخنة "
وكل سنة وإنت طيب ياحبيب
قلت لي الغربان لموا فيها كمان .. :winky:
خلي بالك الجماعة ديل ماعندهم قشة مرة .. والحمد لله أن ديننا حدد لنا أكل الطيب من اللحم ..
تشكر يا أبا خليل.. كاتنقطع من التواصل معنا :winky: :heart: