مبرووووط...ومسلوخ وممسوخ...!!!

سبحان الله لا الأبيض راضى بى لونو
وبينفق الدولارات عشان يمشى البحر يخليهو اسمر
أو برونزى....
ولا الأسود راضى بى لونو
وعايزو أبيض..حتى لو استعمل موية نار,,,
.........................
والحكايه نسبيه طبعاً...لكن اللونين ديل عاينو ليهن كيف...
[ندعوك للتسجيل في المنتدى أو التعريف بنفسك لمعاينة هذه الصورة]

السؤال هو ...
هل يرجع اللون الى أصله الأسود اذا توقفت الفتاه عن استعمال الكريمات..؟؟؟
والا يبقى الوضع على ماهو عليه وش مبرووووط...ومسلوخ وممسوخ... ؟؟؟

انت عارف يا ملهم ذكرتنى نكتة الكمسارى لما جا يخلص القروش من البنات وكلو واحدة عاملة ابو الكرم عاوزة تدفع قام الكمسارى قال ليهم كدى اول حاجة النعرف دى يد منو

والله مخجلة جد لأنو الكتير من السودانيين والأفارقة بيتعقدوا من لونهم ( عدم فهم )
الواحده تقعد تجلط وشها كده ومصيرها ترجع تانى لى لونها الحقيقى

والله اللون الطبيعى أحسن منو مافى
لكن البيقنع الجكس شنو
الحاجة الغايظانى أكتر ما بدسن يديهن اللونن مختلف من الوش ( جنس محن )

الجمال الطبيعى احلا منو مافى يا ملهم...

والله دي مشكلة حقيقة ياملهم كردفان بعانو منا
الكتير من بنات جنسي فاكرين انو كدة
ممكن يجيبو عرسان ويفكو البورة
لكن بحصل العكس مفروض اي
وحدة تحمد الله علي النعمة الي ادها
ليها بدل ماتشوها بحاجات مافي فائدة منها
الحمدلله علي كل شي
مشكور اخي الغالي علي الموضوع الرائع
تقبل تحياتي

ملهم .. لك التحية .. وأنت تثير مشكلة باتت تؤرق الجنس اللطيف .. وبالرغم من التحذيرات الطيبة ومنع دخول بعض مستحضرات التجميل إلا أن الإصرار على الإستخدام يبدو واضحاً وجلياً .. ولم يدركن من أي المواد يتم تصنيع هذه المستحضرات كما أنها
لاتناسب جميع البشرات .. إذ شوهت كثير من خلق جميل .. ربنا يهديهن الى طريق مستقيم
ويقنعن بما قسم الله لهن .. إحترامي وتقديري ..

بسم الله الرحمن الرحيم
الاخ ملهم السلام عليكم ورحمة اللة......
قضيه خطيره تحتاج اعادة تربيه الاجيال الجديده
وتوعيتها بمفهوم الرضا بماقسم الله لنا
ودعتكم الله لحدى ما ارجع

الوش فانتا
والكرعين كوكا كولا


مشكلة ؟؟؟؟؟؟؟؟

مصطفى المحسى كتب:انت عارف يا ملهم ذكرتنى نكتة الكمسارى لما جا يخلص القروش من البنات وكلو واحدة عاملة ابو الكرم عاوزة تدفع قام الكمسارى قال ليهم كدى اول حاجة النعرف دى يد منو

والله مخجلة جد لأنو الكتير من السودانيين والأفارقة بيتعقدوا من لونهم ( عدم فهم )
الواحده تقعد تجلط وشها كده ومصيرها ترجع تانى لى لونها الحقيقى

والله اللون الطبيعى أحسن منو مافى
لكن البيقنع الجكس شنو
الحاجة الغايظانى أكتر ما بدسن يديهن اللونن مختلف من الوش ( جنس محن )

المحنه حتكون من نصيب الكمسارى يادرش....
لو دسن ايديهن................
ماالضحك بيشرطو.....

ابواحمد كتب:اصلا مافي احسن من خلقة ربنا اللي خلقنا عليها طالما هي من دون تشوهات خلقيه ....ولكن اظهار الجمال مرغوب وسوق العرسان بقي مولع نار كتير من الرجال عامل زوغان ....يسون شنو ياناس ؟؟؟؟؟؟؟؟؟؟؟؟يقولن الرووووووب

لايابركه ياخ...مايقولن الروب ...
لكن بدل مايتمسحن ويتجلبطن بالكريمات
مايمشن للودك والكركار...
ويعملن من الروب قناع زبادى
وكمان ممكن يختن شويه سكر على الروب
والله حلو حلاه فى الفطور
وملاح الروب ده مع ملاح التقليه احلى منهم مافى...
بالذات لمن يكون مع فطور العريس..... :winky:
تخريمه
مامفكرلا تدبل يابركه...

غاده كتب:الجمال الطبيعى احلا منو مافى يا ملهم...

يعنى عايزه تقنعينى ياغاده .....انك مابتستعملى كريم ديانا....

دلوعة النيل كتب:والله دي مشكلة حقيقة ياملهم كردفان بعانو منا
الكتير من بنات جنسي فاكرين انو كدة
ممكن يجيبو عرسان ويفكو البورة
لكن بحصل العكس مفروض اي
وحدة تحمد الله علي النعمة الي ادها
ليها بدل ماتشوها بحاجات مافي فائدة منها
الحمدلله علي كل شي
مشكور اخي الغالي علي الموضوع الرائع
تقبل تحياتي

آى انتى بتقولى حكم عشان انتى لسه بنوته صغيرونه والقطر مافاتك....
بس يارب مايفوتك تب..لكن بينى بينك هو بقدر يفوتك..
والله اول مايجى جمبك يفرمل سسسسسسسسسسسسى عديل كده
ويحلف ليك تركبى درجه أولى
تخريمه
وبهدى للمجلبطات بالكريمات...والمفكرات يتجلبطن كمان الأغنيه بتاعت
ده القطر الفاتك انتا يتكسر حته حته وين ياحبيبى...لومتا ذنبى عليك :winky:

نصر الدين عمر محمد كتب:ملهم .. لك التحية .. وأنت تثير مشكلة باتت تؤرق الجنس اللطيف .. وبالرغم من التحذيرات الطيبة ومنع دخول بعض مستحضرات التجميل إلا أن الإصرار على الإستخدام يبدو واضحاً وجلياً .. ولم يدركن من أي المواد يتم تصنيع هذه المستحضرات كما أنها
لاتناسب جميع البشرات .. إذ شوهت كثير من خلق جميل .. ربنا يهديهن الى طريق مستقيم
ويقنعن بما قسم الله لهن .. إحترامي وتقديري ..

أهلا وسهلا برفيق الدرب الجميل
........
مداخله واعيه وحلوه ياقلب
قادت الى تساؤلات جانيه تهمنا كلنا
يديك العافيه يانصر الدين
مقرونه بأحلى التحايا واطيب الاحترامات

جيفارا كتب:والله شينات جنس شنااااه

الكريمات شينه والله
وبناتنا شرط ياجيفارا
بالذات لمن يتمسحن




بالودك والكركار .....

رحيق كتب:بسم الله الرحمن الرحيم
الاخ ملهم السلام عليكم ورحمة اللة......
قضيه خطيره تحتاج اعادة تربيه الاجيال الجديده
وتوعيتها بمفهوم الرضا بماقسم الله لنا
ودعتكم الله لحدى ما ارجع

قضيه خطيره تحتاج اعادة تربيه الاجيال الجديده
وتوعيتها بمفهوم الرضا بماقسم الله لنا

ده الكلام يارحيق..فى انتظارك مع ترحيبنا الشديد بيك فى الميدان....