حاجة اقوى من ظروفي .. ومن ظروفك

توفيق مكي كتب:

لو انتي قايلة
عشرة سنين بسيطة
عشان اشوفك
كوني عارفة
حبة ثواني لو غبت
عن فكري بتوه
ببقى زي في الدنيا مافي
انتي قايلة
انا ما مقدر ظروفك
قسما علي
باكر بجيك
يا كعبة هواي
اجي واسعى واطوفك
ومافي زول غيري
بيحق ليه
انك تملكيه اسباب قطوفك
عارفة ليه
لاني اكتر واحد بريدك
انتي صاح ملكة جمال
ومكملة فيك
كل الخصال
وانا واحد من رعيتك
سبق الجميع باطاعتك
اسألي حاجة جوة قلبك
نبتت بي رعايتي
ورعايتك
اساليها ؟؟؟
عن المسافة ...
شوفيها كيف
هي بتمسحها
خليها ترسم
ابتسامتي ....
لما يجيني منك
شعور ....
وخيال ....
وطيف ....
وانا جوة قلبك
وسعيد اكون هناك
وانتي ملكة
وابقي عادلة
بين مشاعري
وبين هواك

ملهم كردفان كتب:توفيق
أديك سر ياحبيب ...
انت سرك باتع ياشيخنا .....

عبدالقادرميكال كتب:أخى وصديقى الشفيف توفيق مكى ،،، كنت’ هنا أستمتع بحروفك التى تنطق’ بالعشقِ والحنين كما إستمتعت’ بها هناك ،،،، فلا عدمناك أيها المسكون بالإبداع ... لك الود والتحية .
[ندعوك للتسجيل في المنتدى أو التعريف بنفسك لمعاينة هذا الرابط]

توفيق مكي كتب:

ملهم كردفان كتب:توفيق
أديك سر ياحبيب ...
انت سرك باتع ياشيخنا .....

حبيبنا ملهم
في الفجة دي انت الشيخ
وان شاء الله اكون
لحوار الصاح بتاعك

مصطفى المحسى كتب:العزيز توفيق مكى
صاحب الحرف النضير
لك الود وانت تسقينا من عبق الحروف ورونقها
جميله هى تلك الكلمات التى نثرتها
كن دوما هكذا
فنحن احوج لصدق الحروف
دمت